Á verkstovuni arbeiða vit við endurnýtsluseyming og kanna, hvussu vit kunnu geva gomlum tekstilum nýtt lív.

Vit arbeiða við tilfari, sum longu er framleitt – til dømis dúkum, seingjarklæðum, gardinum og øðrum tekstilum – og finna nýggjar møguleikar í tí, vit longu hava.

Hetta lærir tú á verkstovuni

at velja hóskandi toy, tráð og nál til ymisk endamál
at meta um góðsku og ymisk sløg av tilfari
grundreglur í seyming og um tilfar
at fáa sum mest burtur úr tí tilfari, tú longu eigur, áðrenn tú keypir nýtt
at brúka tína egnu seymimaskinu, um tú hevur hana við

Tilfar er við í prísinum

Tilfar til eina blusu ella einar buksur er íroknað prísinum.

Tú ert eisini vælkomin at hava títt egna tilfar við, um tú hevur okkurt serligt, sum tú fegin vilt brúka.

Úrvalið av tilfari, sum er íroknað, er avmarkað. Um tú ynskir eitt ávíst slag av toyi, ein ávísan lit ella eitt serligt tilfar, er tí best at hava tað við sjálv/ur.

Førleikakrøv

Verkstovan er bæði fyri roynd og óroynd.

Vit taka støði í tínum førleikum, og tú fært hjálp og vegleiðing.

Endurnýtsluseyming snýr seg um at síggja møguleikarnar í tí, vit longu hava.

Praktisk kunning

Longd: 5 tímar
Pláss: Í mesta lagi 12 luttakarar
Tilfar: Tilfar til eina blusu ella einar buksur er íroknað
Seymimaskinur: Seymimaskinur eru tøkar á staðnum. Tú ert vælkomin at hava tína egnu við.
Stað: Skála skúli
Dagur: 27.10.2026

Skeið

Lær at gera sápu og annað úr tálg

Verkstova í endurnýtsluseyming á Endurnýtslu-fagnaðinum í Skála Skúla